ന്യൂഡല്‍ഹി: സ്‌നേഹം വിജയിക്കമെന്ന കാര്യത്തില്‍ തനിക്ക് ആത്മവിശ്വാസമുണ്ടെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ന്യൂഡല്‍ഹി ലോക്‌സഭാ മണ്ഡലത്തിലെ ഓറംഗസേബ് ലേനിലെ പോളിങ് ബൂത്തില്‍ വോട്ട് രേഖപ്പെടുത്തിയ ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു രാഹുല്‍. നല്ലൊരു പോരാട്ടമായിരുന്നു ഇതെന്നും നരേന്ദ്രമോദി വെറുപ്പും താന്‍ സ്‌നേഹവുമാണ് ഉപയോഗിച്ചതെന്നും രാഹുല്‍ ഗാന്ധി പറഞ്ഞു. സ്‌നേഹം വിജയിക്കുമെന്ന് കരുതുന്നു. ജനങ്ങളാണ് തങ്ങളുടെ യജമാനര്‍. ജനങ്ങള്‍ പറയുന്ന വിധി തങ്ങള്‍ അനുസരിക്കുമെന്നും അദ്ദേഹം പറഞ്ഞു.

തുഗ്ലക് ലേനിലെ വസതിയില്‍ നിന്ന് കാല്‍നടയായാണ് രാഹുല്‍ വോട്ടിങ് കേന്ദ്രത്തിലെത്തിയത്. മണ്ഡലത്തിലെ കോണ്‍ഗ്രസ് സ്ഥാനാര്‍ഥി അജയ് മാക്കനടക്കമുള്ളവര്‍ രാഹുലിനെ അനുഗമിച്ചിരുന്നു.