പോര്‍ട്ടോ: യുവേഫ നാഷന്‍സ് ലീഗിലെ ആദ്യ സെമിയില്‍ ഇന്ന് പോര്‍ച്ചുഗലും സ്വിറ്റ്‌സര്‍ലന്‍ഡും ഏറ്റുമുട്ടും. ക്രിസ്റ്റ്യാനോ റൊണാള്‍ഡോ മടങ്ങിയെത്തിയ പോര്‍ച്ചുഗല്‍ ശക്തമായാണ് ഒരുങ്ങിയിട്ടുള്ളത്.
ലോകകപ്പിന് ശേഷം ദേശീയ ടീമില്‍ ഇല്ലാതിരുന്ന ക്രിസ്റ്റ്യാനോയെ പരിശീലകന്‍ തിരിച്ച് വിളിക്കുകയായിരുന്നു. പോര്‍ച്ചുഗലിലെ പോര്‍ട്ടോയിലാണ് മത്സരം. യുവേഫ നാഷന്‍സ് ലീഗിലെ അവസാന നാല് മത്സരത്തിലും സമനിലയുമായിട്ടാണ് പോര്‍ച്ചുഗല്‍ ഇന്ന് സ്വിസ് ടീമിനെ നേരിടുന്നത്. അതേസമയം സ്വിസ് ടീം അവസാനമായി കളിച്ച മൂന്ന് മത്സരത്തിലും ജയം കണ്ടെത്തിയാണ് സെമി ഫൈനലിലേക്ക് യോഗ്യത നേടിയിട്ടുള്ളത്. നാളെ നടക്കുന്ന രണ്ടാം സെമി ഫൈനലില്‍ നെതര്‍ലന്‍ഡ്‌സും ഇംഗ്ലണ്ടും തമ്മില്‍ ഏറ്റുമുട്ടും. രാത്രി 12.15നാണ് രണ്ട് സെമി ഫൈനല്‍ പോരാട്ടങ്ങളും നടക്കുന്നത്. സോണി ടെന്‍ 2 മത്സരം സംപ്രേഷണം ചെയ്യുന്നുണ്ട്.