നെടുമ്പാശ്ശേരി: പ്രായപൂര്‍ത്തിയാകാത്ത രണ്ട് പെണ്‍കുട്ടികളെ പീഡിപ്പിച്ചയാളെ ചെങ്ങമനാട് പൊലിസ് അറസ്റ്റ് ചെയ്തു.
പെണ്‍കുട്ടികളുടെ പിതാവിന്റെ അനുജനായ മുപ്പത്തിയഞ്ചുകാരനാണ് പിടിയിലായത്. പെണ്‍കുട്ടികളില്‍ ഒരാള്‍ പ്ലസ് ടുവിലും, മറ്റൊരാള്‍ പത്താം ക്ലാസിലും പഠിക്കുകയാണ്.
സ്‌കൂളില്‍ നടത്തിയ കൗണ്‍സലിഡിലാണ് പെണ്‍കുട്ടികള്‍ പീഡന വിവരം വെളിപ്പെടുത്തിയത്. കഴിഞ്ഞ നാല് വര്‍ഷങ്ങളായി ഇയാള്‍ തങ്ങളെ ഭീഷണിപ്പെടുത്തി പീഡനത്തിനിരയാക്കുകയായിരുന്നെന്ന് ഇവര്‍ മൊഴി നല്‍കിയിട്ടുണ്ട്. കോടതിയില്‍ ഹാജരാക്കിയ ഇയാളെ 14 ദിവസത്തേക്ക് റിമാന്റ് ചെയ്തു. പെണ്‍കുട്ടികളെ തിരിച്ചറിയാന്‍ സാധ്യതയുള്ളതിനാല്‍ പ്രതിയുടെ വിവരങ്ങള്‍ പൊലിസ് പുറത്തുവിട്ടിട്ടില്ല.