കൊണ്ടോട്ടി: തെരുവുനായയുടെ ആക്രമണത്തില്‍ മൂന്ന് പേര്‍ക്ക് പരുക്കേറ്റു. കൊണ്ടോട്ടി കുറുപ്പത്ത് പാലക്കാപറമ്പില്‍ ഇന്നലെയാണ് നാട്ടുകാര്‍ക്ക് നേരെ തെരുവുനായ ആക്രമണമുണ്ടായത്. പാലക്കാപറമ്പ് വലിയകത്ത് മുഹമ്മദ് നജീബ്, പുളിക്കാനില്‍ നിഖില്‍, സുരേഷ് എന്നിവര്‍ക്കാണ് കടിയേറ്റത്.
മുഹമ്മദ് നജീബിനാണ് ഗുരുതരമായി പരുക്കേറ്റത്. നെഞ്ചിലും കൈയിലും കടിയേല്‍ക്കുകയും വീഴ്ചയില്‍ തോളിന് പരുക്കേല്‍ക്കുകയും ചെയ്തിട്ടുണ്ട്. മറ്റൊരാളെ നായ് കടിക്കുന്നത് തടയാനെത്തിയതായിരുന്നു നജീബ്.
മേഖലയില്‍ തെരുവ് നായ ശല്യം രൂക്ഷമാണെന്ന് നാട്ടുകാര്‍ പറയുന്നു.