മണ്ണഞ്ചേരി :റേഷന്‍ കടയില്‍ നിന്നും കടത്താന്‍ശ്രമിച്ച അരി പൊലിസ് പിടികൂടി. മണ്ണഞ്ചേരി പഞ്ചായത്തില്‍ 1 -ാം വാര്‍ഡില്‍ മംഗളാപുരത്ത് പ്രവര്‍ത്തിക്കുന്ന ഗേപാലകൃഷ്ണന്റെ ലൈസന്‍സിയിലുള്ള റേഷന്‍കടയില്‍ നിന്നാണ് അരി കടത്താന്‍ ശ്രമിച്ചത്.
സിവില്‍ സപ്ലൈസ് ഗോഡൗണില്‍ നിന്നും വിതരണത്തിനായി ലഭിച്ച 11 ചാക്ക് അരി പുറം മാര്‍ക്കറ്റിലേക്ക് വില്‍ക്കാല്‍ കൊണ്ടു പോകുമ്പോള്‍ ആണ് പിടികൂടിയത്. മണ്ണഞ്ചേരി പഞ്ചായത്തില്‍ 3 -ാം വാര്‍ഡില്‍ കാഞ്ഞിരത്തിങ്കല്‍ വീട്ടില്‍ ഹബീബാണ് എയ്‌സ് വാനില്‍ അരികൊണ്ടു പോയത്. ഇയാളും വാഹനവും പൊലിസ് കസ്റ്റഡിയിലാണ്. റേഷന്‍ സാധനങ്ങള്‍ വിതരണം ചെയ്യാതെ ചന്തയില്‍ വില്‍ക്കുന്നതായി നിരവധി പരാതികളാണ് നിത്യേന അധികൃതര്‍ക്ക് ലഭിക്കുന്നത്. ഉപഭോക്താവിന് ലഭിക്കേണ്ട റേഷന്‍വിഹിതം കൃത്യമായി നല്‍കാതെയും റേഷന്‍ സാധനങ്ങള്‍ വാങ്ങാനെത്താത്തവരുടേയും  വിഹിതമാണ് കൂടിയ വിലയ്ക്ക് പുറത്തെ കച്ചവടക്കാര്‍ക്ക് റേഷന്‍വ്യാപാരികള്‍ നല്‍കുന്നത്.
ഉദ്യോഗസ്ഥരുടെ കൃത്യമായ പരിശോധനയില്ലാത്താണ് റേഷന്‍ ധാന്യങ്ങള്‍ പുറ ംമാര്‍ക്കറ്റിലെത്താന്‍ കാരണമാകുന്നത്.