പാനൂര്‍: പതിനൊന്നു വയസുകാരിയെ മദ്‌റസയില്‍ പോകുന്നവഴി പീഡിപ്പിക്കാന്‍ ശ്രമിച്ച കേസില്‍ യുവാവ് റിമാന്‍ഡില്‍. ചെറുപറമ്പ് സ്വദേശി കൂലോത്തും കണ്ടി മുനീറിനെയാണ്(37) പാനൂര്‍ എസ്.ഐ വി.വി രാജീവനും സംഘവും അറസ്റ്റു ചെയ്തത്. കഴിഞ്ഞദിവസം രാവിലെ പെണ്‍കുട്ടി മദ്‌റസയിലേക്ക് പോകവേ ഇടവഴിയില്‍ കാത്തുനിന്ന പ്രതി കുട്ടിയെ കയറിപിടിക്കുകയായിരുന്നു. സമീപത്തെ വീട്ടുപറമ്പിലേക്ക് വലിച്ചു കൊണ്ടുപോകുന്നതിനിടയില്‍ ബഹളം വച്ച് കുട്ടി ഓടി രക്ഷപ്പെടുകയായിരുന്നു. സംഭവവ സ്ഥലത്തു നിന്നു യുവാവ് ബൈക്കില്‍ രക്ഷപ്പെട്ടു. യുവാവിനെ തിരിച്ചറിഞ്ഞ വീട്ടുകാര്‍ പൊലിസില്‍ പരാതിപ്പെടുകയായിരുന്നു. സംഭവം പുറത്തായതോടെ മുങ്ങിയ മുനീറിനെ ഇന്നലെ ശിവപുരത്തെ ഭാര്യ വീട്ടില്‍ നിന്നാണ് പിടികൂടിയത്.