കാഞ്ഞങ്ങാട്: കാഞ്ഞങ്ങാട് ബസ് സ്റ്റാന്‍ഡിനുസമീപം പൊലിസ് എയ്ഡ് പോസ്റ്റിനടുത്ത് കാറും മൊബൈല്‍ ഫോണും ഉപേക്ഷിച്ചനിലയില്‍ കണ്ടെത്തി . കെ.എല്‍ 60 കെ. 638 നമ്പര്‍ ചുവന്ന കാറും കാറിനകത്ത് സാംസണ്‍ കമ്പനിയുടെ ഒരു മൊബൈല്‍ ഫോണുമാണ് ബുധനാഴ്ച രാത്രി ഉപേക്ഷിച്ചനിലയില്‍ കണ്ടെത്തിയത്. കാറില്‍നിന്നു ഒരു യുവാവും യുവതിയും ഇറങ്ങിപോവുന്നത് പരിസരത്തുള്ളവര്‍ കണ്ടിരുന്നു.
പൊലിസ് കാര്‍ കസ്റ്റഡിയിലെടുത്ത് കേസ് രജിസ്റ്റര്‍ ചെയ്തു. ഏതോ കുറ്റകൃത്യത്തില്‍ ഏര്‍പ്പെട്ട സംഘത്തിന്റെ വാഹനമാണിതെന്ന് സംശയിക്കുന്നതായി പൊലിസ് പറഞ്ഞു.