കോഴിക്കോട്: കേരള ബ്ലഡ് ഡോണേഴ്‌സ് ഫോറം കോഴിക്കോട് ജില്ലാ കമ്മിറ്റി കസബ ജനമൈത്രി പൊലിസ്, ശ്രീകാന്ത് ഐ ഹോസ്പിറ്റല്‍ എന്നിവയുടെ സഹകരണത്തോടെ രക്തദാതാവുദിനം ആചരിച്ചു. കോഴിക്കോട് മൊഫ്യൂസില്‍ ബസ് സ്റ്റാന്റില്‍ നടന്ന ചടങ്ങ് ഡെപ്യൂട്ടി മേയര്‍ മീരാദര്‍ശക് ഉദ്ഘാടനം ചെയ്തു. കെ.ബി.ഡി.എഫ് പ്രസിഡന്റ് അശോകന്‍ ആലപ്രത്ത് അധ്യക്ഷനായി. ഡെപ്യൂട്ടി ഡി.എം.ഒ ഡോ. ജീജ രക്തദാതാവുദിന സന്ദേശം നല്‍കി. നിഖില ഫൗണ്ടേഷന്‍ കോഡിനേറ്റര്‍ പ്രസാദ് കെ പ്രേം, ശ്രീകാന്ത് ഹോസ്പറ്റല്‍ പി.ആര്‍.ഒ വിവേകാനന്ദന്‍, ദിലീപ്, ഹസീന, അബ്ദുറഹ്മാന്‍ സംസാരിച്ചു. കെ.ബി.ഡി.എഫ് ജോയിന്റ് സെക്രട്ടറി ഷാജഹാന്‍ നടുവട്ടം സ്വാഗതവും സെക്രട്ടറി എ.കെ ഗണേശ് നന്ദിയം പറഞ്ഞു.