തൃശൂര്‍: അനാഥര്‍ക്കും അഗതികള്‍ക്കും വിധവകള്‍ക്കും ആശ്വാസത്തിന്റെ കൈ നീട്ടം നല്‍കാന്‍ എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റി നടത്തുന്ന സ്‌നേഹതണല്‍ പദ്ധതി മാതൃകാപരമെന്ന് എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് ഹമീദലി ശിഹാബ് തങ്ങള്‍. തൃശൂര്‍ എം.ഐ.സിയില്‍ നടന്ന സ്‌നേഹതണല്‍ പെരുന്നാള്‍ വസ്ത്ര വിതരണോദ്ഘാടനം നിര്‍വഹിക്കുകയായിരുന്നു അദ്ദേഹം. സൂക്ഷ്മതയുളള ജീവിതവും സൗഹാര്‍ദപരമായ സമീപനങ്ങളും പ്രതീക്ഷകളും പ്രവര്‍ത്തനവും കൈമുതലാക്കി ഇനിയുളള ഓരോ സമയവും ജീവിക്കണമെന്നും റമദാന്‍ നമുക്ക് നല്‍കിയ ഈ വിശുദ്ധി ഇനിയും കാത്ത് സൂക്ഷിക്കണമെന്നും അദ്ദേഹം ചടങ്ങില്‍ ഓര്‍മ്മിപ്പിച്ചു.