ശ്രീനഗര്‍: കശ്മിരില്‍ രണ്ടിടങ്ങളിലായുണ്ടായ ഏറ്റുമുട്ടലില്‍ ജവാനും മൂന്ന് ഭീകരരും കൊല്ലപ്പെട്ടു. രജൗരി, പൂഞ്ച് ജില്ലകളിലെ നിയന്ത്രണാതിര്‍ത്തിയില്‍ പാകിസ്താന്‍ പ്രകോപനമില്ലാതെ മോര്‍ട്ടര്‍ ഷെല്ലുകളും ചെറു തോക്കുകളും ഉപയോഗിച്ച് ആക്രമിക്കുകയായിരുന്നു.
കലാല്‍ ഭാഗത്ത് നൗഷേരയില്‍ നിയോഗിച്ച സൈനികനാണ് കൊല്ലപ്പെട്ടതെന്നും പൂര്‍ണ വിവരങ്ങള്‍ പുറത്തുവന്നിട്ടില്ലെന്നും അധികൃതര്‍ അറിയിച്ചു.
ത്രാലിലുണ്ടായ ഏറ്റുമുട്ടലിലാണ് ജെയ്‌ഷെ മുഹമ്മദിന്റെ മൂന്ന് ഭീകരര്‍ കൊല്ലപ്പെട്ടത്. പ്രദേശത്തുനിന്ന് ആയുധങ്ങള്‍ കണ്ടെത്തിയെന്നും തിരച്ചില്‍ തുടരുകയാണെന്നും കശ്മിര്‍ പൊലിസ് ഡയരക്ടര്‍ ജനറല്‍ പറഞ്ഞു.