കോഴിക്കോട്: എം.ഇ.എസ് എജ്യുക്കേഷന്‍ ബോര്‍ഡ് സംസ്ഥാനതലത്തില്‍ സംഘടിപ്പിക്കുന്ന എം.ഇ.എസ്-സി.ബി.എസ്.ഇ ഇന്റര്‍ സ്‌കൂള്‍ ചെസ്സ് ചാംപ്യന്‍ഷിപ്പ് പാവങ്ങാട് എം.ഇ.എസ് സെന്‍ട്രല്‍ സ്‌കൂളില്‍ ആരംഭിച്ചു. കേരള ചെസ്സ് അസോസിയേഷന്‍ സംസ്ഥാന പ്രസിഡന്റ് എ.എം കുഞ്ഞിമൊയ്തീന്‍ ഉദ്ഘാടനം ചെയ്തു. എം.ഇ.എസ് സ്‌കൂള്‍ എജ്യുക്കേഷന്‍ ബോര്‍ഡ് ചെയര്‍മാന്‍ ഇ.പി മോയിന്‍കുട്ടി അധ്യക്ഷനായി. പ്രിന്‍സിപ്പല്‍ ഡോ. അജിത ഹേമചന്ദ്രന്‍, സെക്രട്ടറി പി.കെ നസീം അലി, പി.ടി.എം.എ പ്രസിഡന്റ് കെ.ടി രാജീവ്, വൈസ് ചെയര്‍മാന്‍ ഹസന്‍ തിക്കോടി, ട്രഷറര്‍ ടി.സി അഹമ്മദ്, ചെസ്സ് അസോസിയേഷന്‍ ജില്ലാ സെക്രട്ടറി നിര്‍മല്‍ദാസ്, പി.ടി.എം.എ വൈസ് പ്രസിഡന്റ് പ്രേംരാജ്, പ്രധാനാധ്യാപിക ഹെര്‍മിന്‍ റഷീദ് സംബന്ധിച്ചു.