വടകര: തിരുവള്ളൂര്‍ റോഡിലെ കുട്ടോത്ത് ലീഗ് ശാഖാ ഓഫിസിനു നേരെ പെട്രോള്‍ ബോംബേറ്.  
കാവില്‍ റോഡില്‍ ഒന്നാം നിലയില്‍ പ്രവര്‍ത്തിക്കുന്ന ഓഫിസിന്റെ ബോര്‍ഡും കൊടിതോരണങ്ങളും കത്തിനശിച്ചു. പുലര്‍ച്ചെ ഒന്നോടെയാണ് സംഭവം. ഇതുവഴി പോവുകയായിരുന്ന പൊലിസ് വിവരം അറിയിച്ചതിനെ തുടര്‍ന്നു ഫയര്‍ഫോഴ്‌സെത്തി തീയണച്ചു. രണ്ട് പെട്രോള്‍ ബോംബ് എറിഞ്ഞതായാണ് കരുതുന്നത്. പറയത്തക്ക പ്രശ്‌നങ്ങളൊന്നുമില്ലാത്ത കുട്ടോത്ത് മേഖലയില്‍ ബോധപൂര്‍വം കുഴപ്പം കുത്തിപ്പൊക്കാനുള്ള ശ്രമമാണ് ഇതിനു പിന്നിലെന്നു സംശയിക്കുന്നു.