പുല്‍പ്പറ്റ: പഞ്ചായത്തിലെ പിഎച്ച്.സിലേക്ക് മുസ്‌ലിം യൂത്ത് ലീഗ് കമ്മിറ്റി പ്രതിഷേധ മാര്‍ച്ച് സംഘടിപ്പിച്ചു. പി.എച്ച്.സിയെ സി എച്ച്.സിയായി ഉയര്‍ത്തുക, ആരോപണ വിധേയനായ ഡോക്ടര്‍ക്കെതിരെ കര്‍ശന നടപടി സ്വീകരിക്കുക, പി.എച്ച്.സി വളപ്പില്‍ കുമിഞ്ഞുകൂടിയ മാലിന്യം നീക്കം ചെയ്യുക എന്നീ ആവശ്യങ്ങള്‍ ഉന്നയിച്ചായിരുന്നു പ്രതിഷേധ മാര്‍ച്ച്. 

യൂത്ത് ജില്ലാ ജനറല്‍ സെക്രട്ടറി കെ.ടി അഷ്‌റഫ് ഉദ്ഘാടനം ചെയ്തു. മുസ്‌ലിം യൂത്ത് ലീഗ് പഞ്ചായത്ത് പ്രസിഡന്റ് അഡ്വ. യാസര്‍ അറഫാത്ത് അധ്യക്ഷനായി.
മുസ്‌ലിം ലീഗ് പഞ്ചായത്ത് നേതാക്കളായ ഒ.പി കുഞ്ഞാപ്പു ഹാജി, ഇ.അബു ഹാജി, അബദുറഹ്മാന്‍ പുല്‍പ്പറ്റ, യൂത്ത് ലീഗ് ജില്ലാ സെക്രട്ടറി ബാവ വിസപ്പടി, എം.എസ്.എഫ് ജില്ലാ സെക്രട്ടറി റിയാസ് പുല്‍പ്പറ്റ, സലാം വളമംഗലം, ആബിദലി, ഇ.കെ റഹീം, വി.പി റിയാസ്, ശിഹാബ് തൃപ്പനച്ചി സംസാരിച്ചു.