റിയാദ്: സഊദിയിൽ എസ്കവേറ്ററിനടിയിൽ പെട്ട് മലയാളിക്ക് ദാരുണാന്ത്യം. കൊല്ലം ശാസ്‌താംകോട്ട പള്ളിശ്ശേരിക്കൽ വട്ടവിള സ്വദേശി പയ്യല്ലൂർ കിഴക്കേതിൽ വീട്ടിൽ ഷാജഹാൻ (46 ) ആണ് അതിദാരുണമായി മരണപ്പെട്ടത്. അശ്രദ്ധമായി പിന്നലേക്കെടുത്ത എസ്കവേറ്ററിനടിയിൽ പെട്ടാണ് മരണം. സൈക്കിളിൽ സഞ്ചരിക്കുകയായിരുന്ന ഷാജഹാൻ എസ്കലേറ്ററിന്റെ ഇടിയേറ്റു വീഴുകയും തലയ്ക്കു മുകളിലൂടെ എസ്‌കലേറ്റർ കയറിയിറങ്ങുകയായിരുന്നു. 25 വർഷമായി ഖഫ്ജിയിൽ തന്നെ ഒരേ സ്‌പോൺസറുടെ കീഴിൽ വിശ്രമ കേന്ദ്രത്തിൽ ജോലി ചെയ്‌തു വരികയായിരുന്ന ഷാജഹാൻ അടുത്തിടെ നാട്ടിൽ പോകാനായുള്ള ഒരുക്കത്തിലായിരുന്നു.
`     ഭാര്യ: നസീമ ബീവി. മക്കൾ: മുഹമ്മദ് ഷാൻ, മുഹമ്മദ് ഷഫീഖ്, സജ്‌ന, മൃതദേഹം ഖഫ്ജിയിൽ തന്നെ ഖബറടക്കുന്നതിനുള്ള നടപടികൾ നടന്നു വരികയാണ്. ചൊവ്വാഴ്ച്ച ദുഹ്ർ നിസ്‌കാര ശേഷം ഖഫ്ജി മസ്ജിദു ബുഖാരിയിൽ വെച്ച് മയ്യത്ത് നിസ്‌കാരം നടക്കും.