ചെറുതുരുത്തി: ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് സപ്തദിന ക്യാംപില്‍ പങ്കെടുക്കാനുള്ള വിദ്യാര്‍ഥികളെ ഗുരുവായൂര്‍ ശ്രീകൃഷ്ണ കോളജിലേയ്ക്ക് കൊണ്ടുപോകാനെത്തിയ മിനി ബസ് മോട്ടോര്‍ വാഹന വകുപ്പിന്റെ പരിശോധനയില്‍ കുടുങ്ങിയപ്പോള്‍ പുറത്ത് വന്നത് ഞെട്ടിയ്ക്കുന്ന വിവരങ്ങള്‍.
മുത്തപ്പന്‍ എന്ന ബസിന് ഫിറ്റ്‌നസോ രേഖകളോ ഇല്ല. 2016ല്‍ ടാക്‌സ് അടച്ചതിന് ശേഷം രണ്ട് കൊല്ലമായി നികുതിയും ഒടുക്കിയിട്ടില്ല.
കഴിഞ്ഞ 18ന് ഉദ്യോഗസ്ഥര്‍ ഈ വാഹനം പിടികൂടുകയും പിഴ അടയ്ക്കാന്‍ നിര്‍ദ്ദേശം നല്‍കുകയും ചെയ്തിരുന്നതാണെങ്കിലും വാഹന ഉടമ ഒരു നടപടിയും കൈകൊണ്ടിട്ടില്ലെന്നും കണ്ടെത്തി.
ബസിനെയും ഡ്രൈവര്‍ വേലൂര്‍ സ്വദേശി കുന്നത്ത് വീട്ടില്‍ അനൂപിനെയും അസിസ്റ്റന്റ് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ ഉല്ലാസ്.വി ചരളേല്‍ കസ്റ്റഡിയിലെടുത്തു.