ബഗ്ദാദ്: ഇറാഖില്‍ ഐ.എസിന്റെ അവസാന ശക്തികേന്ദ്രമായ തല്‍അഫറില്‍ വിജയം പ്രഖ്യാപിച്ച് ഭരണകൂടം രംഗത്തെത്തി. ഇറാഖ് പ്രധാനമന്ത്രി ഹൈദര്‍ അല്‍ അബാദിയാണ് തല്‍അഫര്‍ കീഴടക്കിയ വിവരം പുറത്തുവിട്ടത്.
തല്‍അഫര്‍ സ്വാതന്ത്ര്യമായതായി അബാദി അറിയിച്ചു. ഓപറേഷന്‍ വിജയത്തിന് അദ്ദേഹം സൈന്യത്തെ അഭിനന്ദിച്ചു. കീഴടങ്ങുകയോ മരിക്കുകയോ മാത്രമാണ് ഐ.എസ് ഭീകരര്‍ക്ക് ഇനി ചെയ്യാനുള്ളതെന്നും അദ്ദേഹം അറിയിച്ചു.കഴിഞ്ഞ 20നാണ് അമേരിക്കയുടെ പിന്തുണയോടെ ഇറാഖ് സൈന്യം തല്‍അഫാര്‍ തിരിച്ചുപിടിക്കാന്‍ സൈനിക നടപടി ആരംഭിച്ചത്. ഇവിടെ രൂക്ഷമായ പോരാട്ടമാണ് ദിവസങ്ങളായി നടന്നിരുന്നത്.