ശ്രീനഗര്‍: ജമ്മു കശ്മീരില്‍ നുഴഞ്ഞുകയറ്റ ശ്രമത്തിനിടെ രണ്ടു ഭീകരരെ സൈന്യം വധിച്ചു. സോപ്പൂര്‍ മേഖലയിലാണ് ഇന്ന് രാവിലെ ഏറ്റുമുട്ടലിനിടെ ഭീകരരെ വെടിവച്ചത്. നുഴഞ്ഞു കയറ്റം പരാജയപ്പെടുത്തിയ ഭീകരരില്‍ നിന്ന് ആയുധവും തോക്കും പിടിച്ചെടുത്തിട്ടുണ്ട്.

പ്രദേശത്ത് ഇപ്പോഴും ഏറ്റുമുട്ടല്‍ തുടരുകയാണ്. ഭീകരര്‍ക്കായി സൈന്യം തിരച്ചില്‍ നടത്തുന്നുണ്ട്. കഴിഞ്ഞ ആഴ്ചയും കശ്മിരില്‍ ഇന്ത്യന്‍ സൈന്യം ഭീകരരുടെ നുഴഞ്ഞുകയറ്റ ശ്രമം തകര്‍ത്തിരുന്നു.