ഹൈദരാബാദ്: യൂനിഫോം ധരിക്കാത്തതിനെ തുടര്‍ന്ന് അഞ്ചാം ക്ലാസ് വിദ്യാര്‍ഥിനിയെ ആണ്‍കുട്ടികളുടെ ശൗചാലയത്തില്‍ അടച്ചതായി പരാതി.ഹൈദരാബാദിലെ സ്വകാര്യ സ്‌കൂളിലായിരുന്നു സംഭവം. ഇതേക്കുറിച്ച് കുട്ടിയുടെ ബന്ധുക്കളില്‍ ചിലര്‍ സോഷ്യല്‍ മീഡിയയില്‍ വിഡിയോ പോസ്റ്റ് ചെയ്തിട്ടുണ്ട്. യൂനിഫോം ധരിക്കാത്തതിനെ തുടര്‍ന്ന് ക്ലാസിലേക്ക് പോകുന്നത് തടയുകയും വഴക്കുപറയുകയും ചെയ്തു. ഭയന്നുപോയ കുട്ടി അധ്യാപകരുടെ ചോദ്യങ്ങള്‍ക്ക് മറുപടി നല്‍കാതിരുന്നതോടെയാണ് ശിക്ഷയെന്ന നിലയില്‍ ആണ്‍ കുട്ടികളുടെ ശൗചാലയത്തിലേക്ക് പറഞ്ഞുവിട്ടതെന്നാണ് വിവരം. ക്ലാസിലെ മറ്റ് കുട്ടികളെല്ലാം ഇത് കണ്ട് നിന്നിരുന്നുവെന്നും കുട്ടി പറയുന്നു.