തൃശൂര്‍: പോഷകാഹാര വാരാചരണത്തിന്റെ സംസ്ഥാനതല ഉദ്ഘാടനത്തോടനുബന്ധിച്ചുള്ള പൊതുസമ്മേളനം ഇന്ന് ജില്ലാ മെഡിക്കല്‍ ഓഫീസ് കോണ്‍ഫറന്‍സ് ഹാളില്‍ രാവിലെ 10 ന് മേയര്‍ അജിത ജയരാജന്‍ ഉദ്ഘാടനം ചെയ്യും. ജില്ലാപഞ്ചായത്ത് പ്രസിഡന്റ് ഷീലവിജയകുമാര്‍ അധ്യക്ഷയാകും. സി.എന്‍ ജയദേവന്‍ എം.പി ലോഗോ പ്രകാശനം ചെയ്യും. ചീഫ് സയന്റിഫിക് ഓഫീസര്‍ താരാകുമാരി.എസ് മുഖ്യപ്രഭാഷണം നടത്തും. ആരോഗ്യ സ്റ്റാന്റിങ്ങ് കമ്മറ്റി ചെയര്‍പേഴ്‌സണ്‍മാരായ മഞ്ജുള അരുണന്‍, എം.എല്‍ റോസി , കൗണ്‍സിലര്‍ കെ.മഹേഷ്, ഡോ.ടി.വി സതീശന്‍ തുടങ്ങിയവര്‍ ആശംസ നേരും.