വിജയവാഡ: എ ടീമുകളുടെ അനൗദ്യോഗിക ടെസ്റ്റ് പരമ്പര ഇന്ത്യക്ക്. രണ്ടാം ടെസ്റ്റില്‍ ഇന്നിങ്‌സിനും 26 റണ്‍സിനും ന്യൂസിലന്‍ഡിനെ തകര്‍ത്താണ് ഇന്ത്യ പരമ്പര സ്വന്തമാക്കിയത്. ഇന്ത്യയുടെ ഒന്നാമിന്നിങ്‌സ് സ്‌കോറായ 447 റണ്‍സിനെതിരേ രണ്ടിന്നിങ്‌സിലുമായി 211, 210 എന്നിങ്ങനെ സ്‌കോര്‍ ചെയ്യാനേ കിവീസിന് സാധിച്ചുള്ളൂ.
നാലാം ദിനം ഒന്നിന് 104 എന്ന നിലയില്‍ ബാറ്റിങ് പുനരാരംഭിച്ച കിവീസ് അതിവേഗം കൂടാരം കയറുകയായിരുന്നു. 106 റണ്‍സ് ചേര്‍ക്കുന്നതിനിടെ അവര്‍ക്ക് ശേഷിച്ച ഒന്‍പതു വിക്കറ്റുകളും നഷ്ടമായി. ഹെന്റി നിക്കോള്‍സ്(94), ജീത് റാവല്‍(47) എന്നിവര്‍ മാത്രമാണ് ന്യൂസിലന്‍ഡിനായി ത ിളങ്ങിയത്. വില്‍ യങ്(14) കോളിന്‍ മണ്‍റോ(13) എന്നിവര്‍ മികച്ച മുതലാക്കാനായില്ല.
സ്പിന്നര്‍മാരായ കരണ്‍ ശര്‍മയും ഷഹബാസ് നദീബും ചേര്‍ന്ന് കിവീസിന്റെ ഒന്‍പതു വിക്കറ്റുകളാണ് പിഴുതത്. കരണിനും അഞ്ചും നദീമിനും നാലും വിക്കറ്റുകള്‍ ലഭിച്ചു.