അഹമ്മദാബാദ്: നിയമസഭാ തെരഞ്ഞെടുപ്പ് നടന്ന ഗുജറാത്തിലെ ആറു ബൂത്തുകളില്‍ റീപോളിങ് നടത്തി. അഹമ്മദാബാദ്, വഡോദര, ബനസ്‌കന്ത ജില്ലകളിലെ ബൂത്തുകളിലാണ് ഇന്നലെ വോട്ടെടുപ്പ് നടന്നത്. രാവിലെ പോളിങ് ആരംഭിക്കുന്നതിനു മുന്‍പ് മോക് പോളിങ് നടത്താന്‍ ഉദ്യോഗസ്ഥര്‍ മറന്നതാണ് ഒരു ബൂത്തില്‍ രണ്ടാമതും പോളിങ് നടത്താന്‍ കാരണം. ജിഗ്‌നേഷ് മെവാനി സ്വതന്ത്രനായി മത്സരിക്കുന്ന വഡ്ഗാമിലെ രണ്ടു ബൂത്തുകളിലും റീപോളിങ് നടന്നു. ഇന്നലെ നടന്ന റീപോളിങില്‍ 70 ശതമാനം പോളിങ് രേഖപ്പെടുത്തി.