ചണ്ഡീഗഡ്: പഞ്ചാബിലെ ഹോഷിയാപൂരില്‍ ബിജെപി നേതാവിന്റെ വീട്ടുമുറ്റത്ത് ചാണകം തള്ളി.വെള്ളിയാഴ്ചയാണ് ഒരു സംഘമാളുകള്‍ ട്രാക്ടറിലെത്തിച്ച ചാണകം ബിജെപി നേതാവായ തിക്സന്‍ സൂദിന്റെ വീട്ടുമുറ്റത്ത് തള്ളിയത്.

തുടര്‍ന്ന് കേന്ദ്രസര്‍ക്കാരിനെതിരേ മുദ്രാവാക്യം വിളിക്കുകയും ചെയ്തു.കേന്ദ്രസര്‍ക്കാരിന്റെ കാര്‍ഷിക നിയമങ്ങളില്‍ പ്രതിഷേധിക്കുന്ന ആളുകളാണ് വീടിന് മുന്നില്‍ ചാണകം കൊണ്ടുവന്നിട്ടതാണെന്നാണ് ബിജെപി നേതാവിന്റെ ആരോപണം.സംഭവത്തില്‍ കുറ്റക്കാര്‍ക്കെതിരെ നടപടിയാവശ്യപ്പെട്ട് തിക്സന്‍ സൂദ് പൊലീസിനെ സമീപിച്ചു. പ്രതിഷേധത്തിന്റെ പേരില്‍ ആളുകളെ ഉപദ്രവിക്കുന്നത് അനുവദിക്കാനാവില്ലെന്ന് പഞ്ചാബ് മുഖ്യമന്ത്രി അമരീന്ദര്‍ സിങ് സംഭവത്തോട് പ്രതികരിച്ചു.