ജിദ്ദ: സഊദിക്ക് നേരെ വീണ്ടും ഹൂതി മിസൈൽ ആക്രമണം. സഊദിയിലെ ജിസാന് നേരെ ഹൂത്തികൾ നടത്തിയ മിസൈലാക്രമണത്തിൽ അഞ്ചു പേർക്ക് പരിക്കേറ്റു. ഡയറക്ടറേറ്റ് ഓഫ് സിവിൽ ഡിഫൻസ് വക്താവ് കേണൽ മുഹമ്ദമ് ബിൻ യഹ് യ അൽ ഗാമിദിയാണ് ഇക്കാര്യം അറിയിച്ചത്. അപകടത്തിൽ മൂന്നു സഊദികൾക്കും രണ്ടു യമനികൾക്കും പരിക്കേറ്റു. മാരകമായി പരിക്കേറ്റ ഇവരെ ആശുപത്രിയിലേക്ക് മാറ്റി. സിവിലിയൻമാർക്ക് നേരെ കരുതിക്കൂട്ടിയുള്ള അക്രമണമാണ് നടക്കുന്നതെന്നും അദ്ദേഹം പറഞ്ഞു. ഒരു ബഖാലയും രണ്ടു വീടുകളും ആക്രമണത്തിൽ തകർന്നിട്ടുണ്ട്.
അതേ സമയം കഴിഞ്ഞ ആഴ്ച റിയാദിന് നേരെയും ഹൂതികൾ ആക്രമണം നടത്തിയിരുന്നു.