പുനെ: മഹാരാഷ്ട്രയില്‍ പരസ്യ ബോര്‍ഡ് തകര്‍ന്ന് വീണുണ്ടായ അപകടത്തില്‍ അഞ്ച് മരണം. മഹാരാഷ്ട്രയിലെ പൂനെ ജില്ലയിലെ പിംപ്രി ചിഞ്ച്വാഡ് ടൗണ്‍ഷിപ്പിലെ സര്‍വീസ് റോഡിലാണ് അപകടമുണ്ടായത്. ഇരുമ്പ് ഹോര്‍ഡിങ് തകര്‍ന്ന് വീണതിന് അടിയില്‍പ്പെട്ടാണ് അഞ്ച് പേരും മരിച്ചത്.

മരിച്ചവരില്‍ നാല് പേര്‍ സ്ത്രീകളാണ്. അപകടത്തില്‍ നിരവധിപേര്‍ക്ക് പരുക്കേറ്റതായാണ് വിവരം. ശക്തമായ കാറ്റിനെ തുടര്‍ന്ന് തിങ്കളാഴ്ച വൈകുന്നേരമാണ് ഇരുമ്പ് ഹോര്‍ഡിംഗ് തകര്‍ന്ന് വീണത്.