ഓസ്‌ട്രേലിയ, സിംഗപ്പൂർ, ഇന്തോനേഷ്യ, മലേഷ്യ, ബ്രൂണെ, തായ്‌ലൻഡ്, ജപ്പാൻ, ഫിലിപ്പീൻസ് എന്നീ രാജ്യങ്ങളിൽ ചെറിയ പെരുന്നാൾ ഏപ്രിൽ 22 ശനിയാഴ്ച ആയിരിക്കും. ഇന്ന് ശവ്വാൽ പിറവി കാണാൻ കഴിയാത്ത സാഹചര്യത്തിലാണ് പെരുന്നാൾ ശനിയാഴ്ച ആകുമെന്ന് തീരുമാനമായത്.

സഊദി ഉൾപ്പെടെയുള്ള വിവിധ ഗൾഫ് രാജ്യങ്ങളിലെ പെരുന്നാൾ വൈകാതെ അറിയാൻ സാധിക്കും. മഗ്‌രിബിന് ശേഷം മാസപ്പിറവിയെ അടിസ്ഥാനമാക്കിയാകും പെരുന്നാൾ വെള്ളിയാഴ്ച ആണോ ശനിയാഴ്ച ആണോ എന്ന് തീരുമാനമാകുക.

അതേസമയം, കേരളത്തിൽ ഇന്ന് മാസപ്പിറവി ദൃശ്യമാകാത്തതിനാൽ ചെറിയ പെരുന്നാൾ റമദാൻ 30 പൂർത്തിയാക്കി ശനിയാഴ്ചയാകും. വിവിധ ഇടങ്ങളിൽ മാസപ്പിറവി ദൃശ്യമാകാത്ത സാഹചര്യത്തിൽ വിവിധ ഖാസിമാരാണ് ഇക്കാര്യം അറിയിച്ചത്.

Eid al fitr will be on Saturday on various countries