അതിരപ്പിള്ളിയിൽ വിനോദയാത്രക്കെത്തിയ സംഘത്തിലെ വിദ്യാർത്ഥി മുങ്ങിമരിച്ചു

ചാലക്കുടി: അതിരപ്പിള്ളിയിൽ വിനോദയാത്രക്കെത്തിയ സംഘത്തിലെ വിദ്യാർത്ഥി പുഴയിൽ മുങ്ങിമരിച്ചു. കൂടെയുള്ള വിദ്യാർത്ഥിയെ കാണാതായി.
സീതി സാഹിബ്ബ് സ്ക്കൂളിലെ ഒമ്പതാം ക്ലാസ് വിദ്യാർഥിയായ അഴീക്കോട് ലൈറ്റ് ഹൗസ് സ്റ്റോപ്പിന് കിഴക്ക് ഭാഗത്ത് കല്ലുങ്കൽ ഷക്കീറിന്റെയും മകൻ ആദിൽഷ (14) ആണ് മരിച്ചത്.

ആദിൽഷായുടെ സുഹൃത്തും അയൽവാസിയുമായ തെങ്ങാകൂട്ടിൽ വീട്ടിൽ ഇർഫാൻ അലി (15) യെയാണ് പുഴയിൽ കാണാതായത്. അഞ്ചംഗ സംഘമായാണ് ആദിൽഷായും ഇർഫാൻ അലിയും അടക്കമുള്ളവർ അതിരപ്പിള്ളിയിലേക്ക് യാത്ര തിരിച്ചത്. വൈകിട്ട് അഞ്ച് മണിയോടെയായിരുന്നു അതിരപ്പിള്ളിയിലെ ചിക്ലായി പുഴയിൽ അപകടം ഉണ്ടായത്.