ദുബൈ: യു.എ.ഇയില്‍ കഴിഞ്ഞ ദിവസങ്ങളിലായി ലഭിച്ചത് റേക്കോഡ് മഴയെന്ന് റിപ്പോര്‍ട്ട്. 27 വര്‍ഷത്തിനിടെ ഏറ്റവും ഉയര്‍ന്ന മഴയാണ് ലഭിച്ചതെന്ന് ദേശീയ കാലാവസ്ഥാ വിഭാഗം അറിയിച്ചു. ഫുജൈറയില്‍ 255.2 മില്ലിമീറ്ററും മസാഫിയില്‍ 209.7 ഉം ഫുജൈറ എയര്‍പോര്‍ട്ടില്‍ 187.9 മില്ലിയുമാണ് മഴയുണ്ടായത്.
കനത്ത മഴയില്‍ യു.എ.ഇയിലെ ഫുജൈറയില്‍ വിവിധ സ്ഥലങ്ങളില്‍ വെള്ളപ്പൊക്കമുണ്ടായിരുന്നു. ജനങ്ങളെ സുരക്ഷിത കേന്ദ്രങ്ങളിലേക്ക് മാറ്റാനും അടിയന്തര സഹായം എത്തിക്കാനും സൈന്യം രംഗത്തിറങ്ങിയ റിപ്പോര്‍ട്ടുകളും പുറത്തുവന്നിരുന്നു.