ദുബൈ: ദുബൈ ചേംബേഴ്സിന്റെ പുതിയ പ്രസിഡന്റും സി.ഇ.ഒ. യുമായി ഹസന്‍ അല്‍ ഹാശിമി നിയമിതനായി. നിലവില്‍ വൈസ് പ്രസിഡന്റാണ് അദ്ദേഹം. 16 വര്‍ഷത്തെ സേവനത്തിനുശേഷം ഹമദ് ബുഐമിം സ്ഥാനമൊഴിഞ്ഞതോടെയാണ് പുതിയ നേതൃത്വം അവരോധിതമായത്. ആഗോളവ്യാപാരം, വാണിജ്യം എന്നിവയുടെ പ്രധാന കേന്ദ്രമായി ദുബൈയെ മാറ്റുന്നതിലും ചേംബേഴ്സിന്റെ വളര്‍ച്ചയിലും ഹമദ് ബുഐമിം നിര്‍ണായകപങ്ക് വഹിച്ചിരുന്നു. മികച്ചനേട്ടങ്ങള്‍ കൈവരിക്കാന്‍ സഹായിച്ചതിന് സംഘാംഗങ്ങള്‍ക്ക് ഹമദ് ബുഐമിം നന്ദി രേഖപ്പെടുത്തി.