കൊയിലാണ്ടി: മത-ഭൗതിക വിദ്യാഭ്യാസ രംഗത്ത് സമസ്ത കേരള ജംഇയ്യത്തുല്‍ ഉലമ വഹിക്കുന്ന പങ്ക് മഹത്തരമാണെന്ന് പാറക്കല്‍ അബ്ദുല്ല എം.എല്‍.എ. സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ വള്ളിയാട്ട് മദ്‌റസയില്‍ നടന്ന സമസ്ത പൊതുപരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്കുള്ള അവാര്‍ഡ് ദാനം നിര്‍വഹിച്ചു സംസാരിക്കുകയായിരുന്നു അദ്ദേഹം.
ചടങ്ങ് സി.എച്ച് മഹ്മൂദ് സഅദി ഉദ്ഘാടനം ചെയ്തു. എ.പി.പി തങ്ങള്‍ അധ്യക്ഷനായി. പി. മാമുകോയ ഹാജി, ഇ.കെ അബ്ദുല്ല ഹാജി, സൈതലവി വഹബി, എം.സി മൊയ്തു മാസ്റ്റര്‍, ഷൗക്കത്ത് മാസ്റ്റര്‍, അന്‍സാര്‍ കൊല്ലം, അബ്ദുസ്സലാം ബാഖവി, പി. മൂസ മാസ്റ്റര്‍, ടി.കെ അബ്ദുല്ല മാസ്റ്റര്‍, സി.എ ശുക്കൂര്‍ മാസ്റ്റര്‍, വി.പി മുഹമ്മദ് മാസ്റ്റര്‍, മൊയ്തു ഹാജി തൊട്ടുവഴല്‍, എ.കെ.സി മുഹമ്മദ്, സുലൈമാന്‍ ഫൈസി, കെ. മൊയ്തീന്‍ മാസ്റ്റര്‍ സംസാരിച്ചു.