കോട്ടയം: വിദ്യാര്‍ഥിനിയെ പിഡിപ്പിച്ച കായിക അധ്യാപകന്‍ റിമാന്‍ഡില്‍.എസ്.സി ,എസ്.ടി വിദ്യാര്‍ഥികള്‍ പഠിക്കുന്ന ഏറ്റുമാനൂര്‍ ഗവ.റസിഡന്‍ഷ്യല്‍ സ്‌കൂളിലെ കായിക അധ്യാപകനായ പൂഞ്ഞാര്‍ സ്വദേശി ചന്ദ്രന്‍(55)ആണ് റിമാന്‍ഡിലായത്.ഈ സ്‌കൂളിലെ ഒമ്പതാം ക്ലാസ് വിദ്യാര്‍ഥിനിയെയാണ് അധ്യാപകന്‍ ശാരീരികമായി പിഡിപ്പിച്ചത്.
കഴിഞ്ഞ വര്‍ഷമാണ് സംഭവം നടന്നത്.സംഭവത്തെ തുടര്‍ന്ന് അധ്യാപകന്‍ സസ്‌പെന്‍ഷനിലായിരുന്നു.സംഭവത്തില്‍ ചൈല്‍ഡ്‌ലൈന്‍ പ്രവര്‍ത്തകര്‍ കേസെടുക്കുകയും ഏറ്റുമാനൂര്‍ പൊലിസിന് കൈമാറുകയും ചെയ്തു.തുടര്‍ന്ന് ഏറ്റുമാനൂര്‍ പൊലിസ് കഴിഞ്ഞ ദിവസം ചന്ദ്രനെ അറസ്റ്റു ചെയ്തു കോടതിയില്‍ ഹാജരാക്കി റിമാന്‍ഡു ചെയ്യുകയായിരുന്നു.വിദ്യാര്‍ഥിനി നിലവില്‍ പത്താം ക്ലാസിലാണ് പഠിക്കുന്നത്.