അബൂദബി: കണ്ണൂര്‍ സ്വദേശി അബൂദബിയില്‍ ഹൃദയാഘാതത്തെ തുടര്‍ന്നു മരിച്ചു. കൂത്തുപറമ്പ് കോട്ടയം പൊയില്‍ മാടത്തിന്‍കണ്ടി കൂവപ്പടി ഷഫീനാസ് വീട്ടില്‍ നൗഫല്‍ ചുള്ളിയാന്‍ (38) ആണ് മരിച്ചത്. ഹൃദയാഘാതത്തെ തുടര്‍ന്ന് ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അബൂദബിയില്‍ സ്‌കൂള്‍ ബസ് ഡ്രൈവറായിരുന്നു.

കെ.എം.സി.സി തലശേരി മണ്ഡലം പ്രവര്‍ത്തകനും വെല്‍ഫെയര്‍ കെയര്‍ മെമ്പറുമാണ്. അബ്ദുല്ലയുടെയും ഐസൂട്ടിയുടെയും മകനാണ്. ഭാര്യ: ഷഹാന ഷെറിന്‍. മക്കള്‍: മിസ്ബാഹ്, അയാന്‍ അര്‍ഷ്. മൃതദേഹം മഫ്രക് ആശുപത്രിയില്‍. മൃതദേഹം നാട്ടിലെത്തിക്കാനുള്ള ശ്രമം നടത്തിവരികയാണെന്നു ബന്ധുക്കള്‍ അറിയിച്ചു.