മണ്ണാര്‍ക്കാട്: അട്ടപ്പാടി ഹാംലെറ്റ് എംപവര്‍മെന്റ് ആന്‍ഡ് ഡവലപ്‌മെന്റ് പ്രൊജക്റ്റിന്റെ (എ.എച്ച്.ഇ.ഡി.പി) ഉദ്ഘാടനവും, ആത്മ ട്രസ്റ്റിന്റെ ഓണാഘോഷവും നടത്തി. പരിപാടി അഡ്വ. എന്‍ ഷംസുദ്ദീന്‍ എം.എല്‍.എ ഉദ്ഘാടനം ചെയ്തു. ആദിവാസികള്‍ക്ക് ഭക്ഷണകിറ്റ് വിതരണവും, വസ്ത്ര വിതരണവും ഓണസദ്യയും നടത്തി.  ഡോ. പ്രഭുദാസ് വിഷയാവതരണം നടത്തി. വെള്ളക്കുളം ഊരില്‍ നടന്ന ചടങ്ങില്‍ ആത്മ ട്രസ്റ്റ് ചെയര്‍മാന്‍ ഡോ. ആരിഫ് ഹുസൈന്‍ അധ്യക്ഷനായി. രത്‌ന രാമമൂര്‍ത്തി, കാളിയമ്മ, ശെല്‍വി, ഡോ. ഹനീഫ് ഖനി, വെള്ളിങ്കിരി, വനജ വാസുദേവ്, കെ. രാജന്‍, രാമകൃഷ്ണന്‍, ജാഫര്‍ കൊണ്ടോട്ടി, ഷഫീഖ് സംബന്ധിച്ചു.