തളിപ്പറമ്പ് : പരിയാരം മദര്‍ തെരേസാ ദേവാലയത്തില്‍ തിരുശേഷിപ്പ് പ്രതിഷ്ഠയും വിശുദ്ധപദവി പ്രഖ്യാപന അനുസ്മരണ  സമ്മേളനവും നടന്നു. രാവിലെ തളിപ്പറമ്പ് സെന്റ് മേരീസ് മരിയന്‍ തീര്‍ഥാടന ഫൊറോന ദേവാലയത്തില്‍ നിന്നാരംഭിച്ചു പരിയാരം കൃസ്തുരാജ ദേവാലയത്തിലെത്തിച്ചേര്‍ന്ന തിരുശ്ശേഷിപ്പ് പ്രയാണത്തെ  വാദ്യഘോഷങ്ങളുടേയും ഫ്‌ളോട്ടുകളുടേയും അകമ്പടിയോടെ മദര്‍തെരേസ ദേവാലയത്തിലേക്ക് ആനയിച്ചു. ആര്‍ച്ച്ബിഷപ്പ് ജോര്‍ജ് ഞരളക്കാട്ട് തിരുശേഷിപ്പ് സ്വീകരിച്ച് പൊതുവണക്കത്തിനായി പ്രതിഷ്ഠിച്ചു. തുടര്‍ന്നു നടന്ന അനുസ്മരണ സമ്മേളനവും 10 കാന്‍സര്‍, കിഡ്‌നി രോഗബാധിതരായവരെ സ്ഥിരമായി ഏറ്റെടുത്തു സംരക്ഷിക്കുന്ന കനിവ് പദ്ധതിയുടെ ഉദ്ഘാടനവും ആര്‍ച്ച് ബിഷപ്പ് നിര്‍വഹിച്ചു. പത്തു വൃക്കരോഗികള്‍ക്കുള്ള ധനസഹായ വിതരണം മദര്‍ഹോം ഡയരക്ടര്‍ ഫാ.മാത്യു ആശാരിപ്പറമ്പില്‍ നിര്‍വഹിച്ചു.