തിരുവനന്തപുരം:കഴിഞ്ഞ ദിവസം മദ്യപിച്ചു വാഹനമോടിച്ച് അപകടമുണ്ടാക്കിയ ഇൻഫോപാർക്ക് പൊലിസ് എസ്ഐ ബി ശ്രീജിത്തിനെ സസ്പെൻഡ് ചെയ്തു. ഇന്നലെ രാത്രി ഇൻഫോപാർക്ക് റോഡിൽ ബ്രഹ്‌മപുരം പാലത്തിനു സമീപത്ത് വെച്ച് എസ്ഐ ഓടിച്ച വാഹനം ബൈക്കിൽ ഇടിച്ചായിരുന്നു അപകടം. പരിക്കേറ്റ ഇൻഫോപാർക്ക് ജീവനക്കാരൻ പാലക്കാട് സ്വദേശി രാകേഷ് ചികിൽസയിലാണ്. എസ്ഐ ശ്രീജിത്ത് മദ്യപിച്ചിരുന്നതായുള്ള സ്പെഷൽ ബ്രാഞ്ച് റിപ്പോർട്ട് പ്രകാരമാണ് എസ്ഐ ശ്രീജിത്തിന് കൊച്ചി സിറ്റി പൊലിസ് കമ്മീഷണർ സസ്പെൻഷൻ നൽകിയത്.