കണ്ണൂര്‍: സുകുമാര്‍ അഴീക്കോടിന്റെ പ്രഭാഷണ മാധുര്യമാണ് ജനങ്ങളെ അദ്ദേഹത്തിലേക്ക് അടുപ്പിച്ചതെന്ന് മന്ത്രി ഇ.പി ജയരാജന്‍. തനിക്കു തോന്നുന്ന കാര്യങ്ങള്‍ വെട്ടിത്തുറന്ന് പറയാന്‍ ആര്‍ജവം കാണിച്ച എഴുത്തുകാരനായിരുന്നു അദ്ദേഹമെന്നും മന്ത്രി പറഞ്ഞു. കണ്ണൂര്‍ വേവ്‌സിന്റെ ഡോ. സുകുമാര്‍ അഴീക്കോട് സ്മാരക പുരസ്‌കാരം എഴുത്തുകാരന്‍ എം മുകുന്ദനു സമ്മാനിച്ചു സംസാരിക്കുകയായിരുന്നു ഇ.പി ജയരാജന്‍. കെ.പി ശ്രീശന്‍ അധ്യക്ഷനായി. ബാലകൃഷ്ണന്‍ കൊയ്യാല്‍ അഴീക്കോട് അനുസ്മരണ പ്രഭാഷണം നടത്തി. ജെമിനി ശങ്കരന്‍ സി ശേഖരന്‍ (മസ്‌കോട്ട് ഗ്രൂപ്പ്), സത്താര്‍ ഹാജി (ഷെര്‍ലോണ്‍ മാട്രസ്), ഇ.എം ഹാഷിം, ആല്‍ബര്‍ട്ട് അലക്‌സ് എന്നിവരെ ചടങ്ങില്‍ ആദരിച്ചു. സി.കെ പദ്മനാഭന്‍, സി ജയചന്ദ്രന്‍, ദിനകരന്‍ കൊമ്പിലാത്ത്, ഒ.സി മോഹന്‍രാജ്, ഒ.എന്‍ രമേശന്‍, പി.പി വേണുഗോപാല്‍ സംസാരിച്ചു.