കൊല്ലം: തേവലക്കര പഞ്ചായത്തിൽ മന്ത്രി എം.ബി. രാജേഷ് നാളെ ഉദ്ഘാടനം നിർവഹിക്കാനിരിക്കുന്ന ബഡ്‌സ് സ്കൂൾ കെട്ടിടത്തിന് ഫിറ്റ്നസ് സർട്ടിഫിക്കറ്റ് ഇല്ലെന്ന് ഗുരുതര ആരോപണം. ബ്ലോക്ക് പഞ്ചായത്ത് അസിസ്റ്റന്റ് എൻജിനീയറാണ് ഇക്കാര്യം വ്യക്തമാക്കിയത്.

കെട്ടിടത്തിന്റെ നിർമാണ പ്രവർത്തനങ്ങൾ ഇപ്പോഴും പൂർത്തിയായിട്ടില്ലെന്നും, ആവശ്യമായ സുരക്ഷാ ക്രമീകരണങ്ങൾ ഒന്നും ഏർപ്പെടുത്താതെ ധൃതിപിടിച്ച് ഉദ്ഘാടനം നടത്താനുള്ള നീക്കത്തിനെതിരെ നാട്ടുകാർ രംഗത്തെത്തിയിരിക്കുകയാണ്.

ALSO READ: ഓഫറുകൾ പ്രഖ്യാപിച്ച് മാരുതി സുസുക്കിയും: 1.75 ലക്ഷം രൂപ വരെ കിഴിവിൽ വിറ്റഴിക്കുന്നത് സൂപ്പർ എസ് യു വി; ഇഷ്ട വാഹനം ഇപ്പോൾ തന്നെ സ്വന്തമാക്കൂ

തേവലക്കര പഞ്ചായത്ത് ചന്തയ്ക്ക് സമീപത്താണ് ബഡ്‌സ് സ്കൂൾ സ്ഥിതി ചെയ്യുന്നത്. സ്കൂളിനോട് ചേർന്ന് പഞ്ചായത്തിന്റെ പ്ലാസ്റ്റിക് ശേഖരണ യൂണിറ്റും പ്രവർത്തിക്കുന്നുണ്ട്. കെട്ടിടത്തിന്റെ തൊട്ടുമുകളിലൂടെ വൈദ്യുതി ലൈൻ കടന്നുപോകുന്നതും സുരക്ഷാ ആശങ്കകൾ വർധിപ്പിക്കുന്നു.

ബ്ലോക്ക് പഞ്ചായത്ത് അസിസ്റ്റന്റ് എൻജിനീയർ സ്ഥലം സന്ദർശിച്ച് നടത്തിയ പരിശോധനയിൽ, നിലവിലെ സാഹചര്യത്തിൽ കെട്ടിടത്തിന് ഫിറ്റ്നസ് സർട്ടിഫിക്കറ്റ് നൽകാനാകില്ലെന്ന് വ്യക്തമാക്കിയിരുന്നു. എന്നിട്ടും, പഞ്ചായത്ത് ഉദ്ഘാടനവുമായി മുന്നോട്ടുപോകുന്നതിനെതിരെ പ്രദേശവാസികളും പൊതുപ്രവർത്തകരും ശക്തമായ പ്രതിഷേധം ഉയർത്തുന്നു.

ALSO READ: ആപ്പിൾ ഉപയോക്താക്കളാണോ? ഗുരുതര സുരക്ഷാ മുന്നറിയിപ്പുമായി കേന്ദ്ര സർക്കാർ

Thevalakkara's Buds School building, set for inauguration by Minister M.B. Rajesh tomorrow, lacks a fitness certificate, as confirmed by the Block Panchayat Assistant Engineer. Locals protest the rushed event, citing ongoing construction, missing safety measures, and a nearby plastic collection unit. A power line running above the building adds to safety concerns