ഇന്ന് ഇന്ത്യയിൽ കോംപാക്‌ട് ഹാച്ച്ബാക്ക് വിഭാഗത്തിൽ നിരവധി മോഡലുകളാണ് വിപണിയിലുള്ളത്. ഉള്ള മോഡലുകൾ എല്ലാം തന്നെ ഉപഭോക്താക്കളുടെ പ്രിയപ്പെട്ടവയും. പക്ഷേ ജനങ്ങളുടെ മനസ്സിൽ ഇപ്പോഴും തിളങ്ങി നിൽക്കുന്ന ഒരേ ഒരു താരമേ ഉള്ളൂ അത് പ്രിയപ്പെട്ട മാരുതി സുസുക്കി സ്വിഫ്റ്റ് തന്നെയാണ്. പുതുതായി കാർ വാങ്ങാൻ ഉദേശിക്കുന്നവരായാലും ഇനി സെക്കൻഡ്ഹാൻഡ് കാർ വാങ്ങാൻ പോകുന്നവരുടെയും എക്കാലെത്തെയും ഇഷ്ട വാഹനം. എന്നാൽ ഇപ്പോഴിതാ വാഹനത്തിന് വൻ വിലക്കുറവ് ആണ് വന്നിരിക്കുന്നത്. ജിഎസ്ടി ആനുകൂല്യങ്ങൾ ഉപഭോക്താക്കൾക്ക് കൈമാറിക്കൊണ്ട് രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കി സ്വിഫ്റ്റിന്റെ എല്ലാ വേരിയന്റുകൾക്കും 85,000 രൂപ വരെയാണ് വില കുറച്ചത്. ഇതോടെ പുതിയ സ്വിഫ്റ്റിന് 5.79 ലക്ഷം രൂപ (എക്സ്ഷോറൂം) മുതലാണ് വില ആരംഭിക്കുന്നത്. 

ALSO READ: ഒറ്റ ചാർജിൽ 622 കിലോമീറ്റർ റേഞ്ച്: ടെസ്‌ല മോഡൽ Y ഉപഭോക്താക്കളുടെ കൈകളിലേക്ക് എത്തിക്കഴിഞ്ഞു

സ്വിഫ്റ്റിന്റെ ജനപ്രീതി

കഴിഞ്ഞ രണ്ട് പതിറ്റാണ്ടിലേറെയായി സാധാരണക്കാരുടെയും ഇടത്തരം സാമ്പത്തിക സ്ഥിതിയിലുള്ള ഉപഭോക്താക്കളുടെയും ഇഷ്ടവാഹനമാണ്  സ്വിഫ്റ്റ്.  മികച്ച പ്രകടനം, ഇന്ധനക്ഷമത, പ്രായോഗികത, വില്പന നടത്തുമ്പോൾ ഉയർന്ന റീസെയിൽ മൂല്യവും എല്ലാം കൂടിച്ചേർന്ന അപൂർവ വാഹനങ്ങളേ ഇന്ന് വിപണിയിലുള്ളൂ. അതിൽ മുൻപതിയിൽ നിൽക്കുന്ന കാറും കൂടിയാണ് സ്വിഫ്റ്റ്.  യൂസ്‌ഡ് കാർ വിപണിയിലും വൻ ഡിമാൻഡുള്ള ഈ ഹാച്ച്ബാക്കിന് സ്ത്രീകൾ ഉൾപ്പെടെയുള്ള വിശാലമായ ആരാധക വൃന്ദമുണ്ട്.

ALSO READ: ചരിത്രം കുറിച്ച് പേരാമ്പ്ര ആർടിഒ: ലേലത്തിൽ ഇഷ്ട നമ്പർ സ്വന്തമാക്കാൻ കോഴിക്കോട്ടുകാരി ചിലവഴിച്ചത് ലക്ഷങ്ങൾ

മാരുതി സുസുക്കി സ്വിഫ്റ്റിന്റെ വേരിയന്റുകൾ LXI, VXI, VXI (O), ZXI, ZXI+ എന്നിവയിൽ പെട്രോൾ, സിഎൻജി ഓപ്ഷനുകളോടെ ലഭ്യമാണ്. മാനുവൽ, ഓട്ടോമാറ്റിക് (എഎംടി) ട്രാൻസ്മിഷനുകളും ഉപഭോക്താക്കൾക്ക് തെരഞ്ഞെടുക്കാം. പുതുക്കിയ എക്സ്ഷോറൂം വിലകൾ ഇപ്രകാരമാണ്:

പെട്രോൾ മാനുവൽ വേരിയന്റുകൾ

LXI: 5.79 ലക്ഷം രൂപ (70,000 രൂപ കുറഞ്ഞു)

VXI: 6.59 ലക്ഷം രൂപ

VXI (O): 6.85 ലക്ഷം രൂപ (72,000 രൂപ കുറഞ്ഞു)

ZXI: 7.53 ലക്ഷം രൂപ

ZXI+: 8.20 ലക്ഷം രൂപ

സിഎൻജി വേരിയന്റുകൾ

VXI: 7.45 ലക്ഷം രൂപ

VXI (O): 7.71 ലക്ഷം രൂപ

ZXI: 8.39 ലക്ഷം രൂപ

ഓട്ടോമാറ്റിക് (എഎംടി) വേരിയന്റുകൾ

VXI: 7.04 ലക്ഷം രൂപ (76,000 രൂപ കുറഞ്ഞു)

VXI (O): 7.30 ലക്ഷം രൂപ

ZXI: 7.98 ലക്ഷം രൂപ

ZXI+: 8.65 ലക്ഷം രൂപ

വില കുറഞ്ഞെങ്കിലും, വാഹനത്തിന്റെ സവിശേഷതകളിലോ ഡിസൈനിലോ മാറ്റങ്ങളില്ല. 1.2 ലിറ്റർ Z-സീരീസ് ത്രീ-സിലിണ്ടർ പെട്രോൾ എഞ്ചിനാണ് സ്വിഫ്റ്റിന് കരുത്തേകുന്നത്. 80 bhp ശക്തിയും 112 Nm torque-ഉം ഉത്പാദിപ്പിക്കുന്ന ഈ എഞ്ചിൻ 5-സ്പീഡ് മാനുവൽ അല്ലെങ്കിൽ എഎംടി ഓട്ടോമാറ്റിക് ട്രാൻസ്മിഷനുമായി ജോടിയാക്കിയിരിക്കുന്നു.

ഇന്ധനക്ഷമത

പെട്രോൾ മാനുവൽ: 24.80 കിലോമീറ്റർ/ലിറ്റർ

പെട്രോൾ എഎംടി: 25.75 കിലോമീറ്റർ/ലിറ്റർ

സിഎൻജി: 32.85 കിലോമീറ്റർ/കിലോഗ്രാം

ജിഎസ്ടി പരിഷ്കരണത്തിന്റെ ഫലമായി, പുതിയ കാർ വാങ്ങാൻ ആഗ്രഹിക്കുന്നവർക്ക് സ്വിഫ്റ്റ് ഇപ്പോൾ കൂടുതൽ ആകർഷകമായ ഓപ്ഷനാണ്. വിലക്കുറവ് വിപണിയിൽ സ്വിഫ്റ്റിന്റെ ഡിമാൻഡ് വീണ്ടും വർധിപ്പിക്കുമെന്നാണ് വിലയിരുത്തൽ.

 

 

The Maruti Suzuki Swift, India’s beloved compact hatchback, now starts at just ₹5.79 lakh after a significant price cut of up to ₹85,000, thanks to GST benefits. Known for its performance, mileage, and resale value, the Swift remains a top choice. Available in petrol, CNG, and automatic variants, it offers great value with no changes to its 1.2L engine or features.