തെലങ്കാന: കന്നഡ സീരിയൽ നടിക്ക് നേരെ ലൈംഗികാതിക്രമം നടത്തിയ കേസിൽ മലയാളി യുവാവ് അറസ്റ്റിൽ. വൈറ്റ് ഫീൽഡിൽ താമസിക്കുന്ന നവീൻ ആണ് അന്നപൂർണേശ്വരി പൊലിസിൻ്റെ പിടിയിലായത്.

തെലുങ്ക്, കന്നഡ സീരിയലുകളിൽ അഭിനയിക്കുന്ന നടിയാണ് പരാതി നൽകിയത്.സാമൂഹിക മാധ്യമം വഴി ഇയാൾ നടിക്കു  നിരന്തരം അശ്ലീല സന്ദേശങ്ങൾ അയച്ചു എന്നാണ് പരാതി.നടി നേരിട്ട് വിളിച്ച് വിലക്കിയിട്ടും സന്ദേശമയക്കുന്നത് തുടരുകയും, നടിക്ക് സ്വകാര്യ അശ്ലീല ഫോട്ടോകൾ അയച്ച് അപമാനിക്കുകയും ചെയ്തതായി പരാതിയിൽ പറയുന്നു.ഈ പരാതിയുടെ അടിസ്ഥാനത്തിലാണ് പൊലിസ് നവീനെ അറസ്റ്റ് ചെയ്തത്.