കുവൈത്ത് സിറ്റി: ലൈസന്‍സ് കാലാവധി കഴിഞ്ഞിട്ടും പുതുക്കാതെയിരുന്ന 589 മൊബൈല്‍ ഫുഡ് ട്രക്കുകളുടെ അനുമതി കുവൈത്ത് വാണിജ്യ-വ്യവസായ മന്ത്രാലയം റദ്ദാക്കി. റിപ്പോര്‍ട്ടനുസരിച്ച്, ലൈസന്‍സുകളുടെ കാലാവധി ഒരു വര്‍ഷം കഴിഞ്ഞിട്ടും പുതുക്കാത്ത സാഹചര്യത്തിലാണ് നടപടി. 

മൊബൈല്‍ ഫുഡ് ട്രക്ക് മേഖലയില്‍ നടന്ന പരിശോധനയുടെ ഭാഗമായാണ് ലൈസന്‍സ് റദ്ദാക്കലെന്നും ബിസിനസ് അന്തരീക്ഷം കാര്യക്ഷമമാക്കാനും എല്ലാ സംരംഭകര്‍ക്കും തുല്യ അവസരങ്ങള്‍ ഉറപ്പാക്കാനും വേണ്ടിയാണ്  നടപടിയിലൂടെ ലക്ഷ്യമിടുന്നതെന്നും മന്ത്രാലയം വ്യക്തമാക്കി.

ALSO READ: ബാങ്ക് ഇടപാടുകളിൽ പുതിയ മാറ്റവുമായി യുഎഇ; ഒടിപി ഒഴിവാക്കി, ഇൻ-ആപ്പ് വെരിഫിക്കേഷൻ നിലവിൽ വരുന്നു

ഉത്തരവാദിത്തത്തോടെ പ്രവര്‍ത്തിക്കുന്ന സംരംഭകര്‍ക്ക് പിന്തുണ ഉറപ്പാക്കാനാണ് ഈ നീക്കമെന്നും, ഇതുവഴി കൂടുതല്‍ നീതിയുക്തമായ വ്യാപാര അന്തരീക്ഷം സ്ൃഷ്ടിക്കാൻ സാധിക്കുമെന്നും അധികൃതര്‍ പറഞ്ഞു. സേവനങ്ങളുടെ ഗുണനിലവാരം വര്‍ദ്ധിപ്പിക്കാനും നടപടി സഹായിക്കുമെന്ന് മന്ത്രാലയം കൂട്ടിച്ചേര്‍ത്തു.

മൊബൈല്‍ ഫുഡ് ട്രക്ക് മേഖലയിലെ നിയന്ത്രണത്തിന്റെ ഭാഗമായി പരിശോധന ശക്തിപ്പെടുത്താനും ഡിജിറ്റല്‍ മാറ്റം നടപ്പാക്കുന്നതിനും പദ്ധതികളുണ്ടെന്ന് മന്ത്രാലയം അറിയിച്ചു. ലൈസന്‍സ് ഉടമകള്‍ മന്ത്രാലയത്തിന്റെ 'കൊമേഴ്ഷ്യല്‍ രജിസ്ട്രി പോര്‍ട്ടല്‍' വഴി 'സ്മാര്‍ട്ട് ലൈസന്‍സ്' നേടുകയും അത് വാഹനത്തില്‍ വ്യക്തമായി പ്രദര്‍ശിപ്പിക്കണമെന്നും നിര്‍ദേശമുണ്ട്.

The Kuwait Ministry of Commerce and Industry has canceled the licenses of 589 mobile food trucks that had expired over a year ago and were not renewed, as part of efforts to regulate the business environment and promote equal opportunities.