തൃശൂർ: കൊടകരയിൽ ദേശീയപാതയിൽ പുലർച്ചെ ഉണ്ടായ വാഹനാപകടത്തിൽ 12 പേർക്ക് പരിക്ക്. എറണാകുളത്ത് നിന്ന് തൃശൂരിലേക്ക് പോവുകയായിരുന്ന കെഎസ്ആർടിസി ബസ് ഒരു കണ്ടെയ്‌നർ ലോറിയുമായി കൂട്ടിയിടിച്ചാണ് അപകടമുണ്ടായത്.

വ്യാഴാഴ്ച പുലർച്ചെ ഏകദേശം 2.45 ഓടെയായിരുന്നു അപകടം ഉണ്ടായത്.അപകടത്തിൽപ്പെട്ട 12 പേരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം. ഇവരെ ഉടൻതന്നെ കൊടകരയിലെ സ്വകാര്യ ആശുപത്രിയിൽ പ്രവേശിപ്പിച്ചു.അപകടം നടന്നയുടൻ നാട്ടുകാരും പൊലിസും സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി.വലിയൊരു ദുരന്തമാണ് തലനാരിഴയ്ക്ക് ഒഴിവായത്. സംഭവത്തെക്കുറിച്ച് പൊലിസ് കൂടുതൽ അന്വേഷണം നടത്തുകയാണ്.