തിരുവനന്തപുരം: സംസ്ഥാനത്ത് തദ്ദേശ തെരഞ്ഞെടുപ്പില്‍ മത്സരിച്ച ഹരിതകര്‍മ സേനാംഗങ്ങളില്‍ വിജയിച്ചത് 219 പേര്‍. ആകെ 547 പേരാണ് മത്സരിച്ചത്. ഏറ്റവും കൂടുതല്‍ പേര്‍ വിജയിച്ചത് തിരുവനന്തപുരം ജില്ലയിലാണ്. ഇവിടെ മത്സരിച്ച 34 സ്ഥാനാര്‍ഥികള്‍ ജനവിധി തങ്ങള്‍ക്കൊപ്പമാക്കി. 32 പേര്‍ വിജയിച്ച കൊല്ലം ജില്ലയാണ് രണ്ടാമത്.

പത്തനംതിട്ട(6), ആലപ്പുഴ(18), കോട്ടയം(7), ഇടുക്കി(19), എറണാകുളം(15), തൃശൂര്‍(14), പാലക്കാട്(24), മലപ്പുറം(11), കോഴിക്കോട്(15), വയനാട്(8), കണ്ണൂര്‍(12), കാസര്‍കോട്(4) എന്നിങ്ങനെയാണ് വിജയിച്ചവരുടെ എണ്ണം. ഇതിന് മുമ്പ് നടന്ന തദ്ദേശ തെരഞ്ഞെടുപ്പിലും ഹരിതകര്‍മ സേനാംഗങ്ങള്‍ മത്സരിച്ചു വിജയിച്ചിരുന്നു.