ലണ്ടന്‍: ബ്രിട്ടിഷ് രാജകുടുംബാംഗം ആന്‍ഡ്രു മൗണ്ട് ബാറ്റണ്‍ വിന്‍ഡ്‌സര്‍ അറസ്റ്റില്‍. പുറത്തുവന്ന എപ്സ്റ്റീന്‍ ഫയലുകളില്‍ പരാമര്‍ശം വന്നതിനു പിന്നാലെയാണ് അറസ്റ്റ്. ആന്‍ഡ്രൂവിനെതിരെ അന്വേഷണം നടന്നുവരികയായിരുന്നു. തുടര്‍ന്നാണ് പബ്ലിക് ഓഫിസ് ദുരുപയോഗം ചെയ്തതിന് ആന്‍ഡ്രൂവിനെ പൊലിസ് അറസ്റ്റ് ചെയ്തത്. 66 ാം ജന്മദിനത്തിലാണ് ആന്‍ഡ്രൂ അറസ്റ്റിലായത്. 

സര്‍ക്കാരിലെ ഔദ്യോഗിക രേഖകള്‍ ജെഫ്രി എപ്സ്റ്റിന് കൈമാറിയെന്ന വിവരം പുറത്തുവന്നതിന് പിന്നാലെയാണ് അറസ്റ്റ്. താല്‍ക്കാലിക വസതിയായ സാന്‍ഡ്രിങ്ഹാം എസ്റ്റേറ്റില്‍ നിന്നാണ് തേംസ് വാലി പൊലിസ് ആന്‍ഡ്രൂവിനെ അറസ്റ്റ് ചെയ്തത്. 

ALSO READ: 'പീഡനം, ഭീഷണി, ബലാത്സംഗം' തടവറകളിലെ ഇസ്‌റാഈല്‍ ക്രൂരതകള്‍ വിവരിച്ച് ഫലസ്തീന്‍ മാധ്യമപ്രവര്‍ത്തകര്‍

അതേസമയം, എപ്സ്റ്റീന്‍ ഫയല്‍സില്‍ ആന്‍ഡ്രൂവിനെതിരെ നിരവധി ലൈംഗികാരോപണങ്ങള്‍ ഉയര്‍ന്നിട്ടുണ്ടെങ്കിലും നിലവില്‍ ഔദ്യോഗിക പദവി ദുരുപയോഗം ചെയ്തതിന് മാത്രമാണ് നടപടി സ്വീകരിച്ചിട്ടുള്ളതെന്നാണ് റിപ്പോര്‍ട്ട്. 

ജെഫ്രി എപ്സ്റ്റിന്‍ കുറ്റക്കാരനാണെന്ന് കണ്ടെത്തിയ ശേഷവും ആന്‍ഡ്രൂ രാജകുമാരന്‍ ഇയാളുമായി അടുത്ത ബന്ധം തുടര്‍ന്നുവെന്നാണ് രേഖകള്‍ വിശദമാക്കുന്നത്. എപ്സ്റ്റിനുമായി ബന്ധപ്പെട്ട വിവാദങ്ങളെ തുടര്‍ന്ന് ആന്‍ഡ്രൂവിനെ കൊട്ടാരത്തില്‍ നിന്ന് പുറത്താക്കിയിരുന്നു.

British royal family member Prince Andrew, Duke of York has reportedly been arrested following renewed controversy surrounding the Jeffrey Epstein files. The arrest comes amid an ongoing investigation and allegations that Andrew misused public office.