താമരശ്ശേരി: ഡ്യൂട്ടിയിലിരിക്കെ പൊലിസുകാരന് അടിയേറ്റു. ഇന്നലെ ഉച്ചക്ക് ഒന്നരയോടെ പഴയ ബസ് സ്റ്റാന്റിന്  സമീപം മാനസികാസ്വാസ്ഥ്യമുള്ള കോളിക്കല്‍ കക്കുഴി അബ്ദുല്‍ അസീസ് (47) ആണ് താമരശ്ശേരി  ട്രാഫിക് യൂനിറ്റിലെ പൊലിസുകാരനായ സത്യനെ ഇരുമ്പ് വടികൊണ്ട് തലക്കടിച്ചത്. വാഹനങ്ങള്‍  തടയുന്നത് ചോദ്യം ചെയ്തതിനാലാണ് അസീസ് പൊലിസുകാരനെ അക്രമിച്ചത്. തലക്ക് സാരമായി  പരുക്കേറ്റ സത്യനെ താമരശ്ശേരി താലൂക്ക് ആശുപത്രിയില്‍ പ്രവേശിപ്പിച്ചു. അസീസിനെ പൊലിസ്  കസ്റ്റഡിയിലെടുത്തു.