തേനി: കമ്പം കാട്ടുപള്ളിവാസലില്‍ പടക്ക നിര്‍മ്മാണശാലയില്‍ തീപിടിത്തം. രണ്ട് പേര്‍ മരിച്ചു. കമ്പം സ്വദേശികളായ സൂര്യ, ദീനദയാനന്‍ എന്നിവരാണ് മരിച്ചത്. രണ്ട് പേര്‍ക്ക് ഗുരുതരമായി പൊള്ളലേറ്റു. കമ്പം സ്വദേശികളായ അയ്യപ്പന്‍, നാഗാര്‍ജുന്‍ എന്നിവരെ തേനി മെഡിക്കല്‍ കോളജില്‍ പ്രവേശിപ്പിച്ചു. 

തിരുപ്പതി എന്നയാളുടെ ഉടമസ്ഥതയിലുള്ള ലക്ഷ്മി ക്രാക്കര്‍ എന്ന പടക്ക നിര്‍മാണശാലയിലാണ് തീപിടിത്തമുണ്ടായത്. നിര്‍മാണത്തോടൊപ്പം ഇവിടെ വില്‍പ്പനയും നടക്കുന്നുണ്ടായിരുന്നു. 

തമിഴ്‌നാട് നിയമസഭാതെരഞ്ഞെടുപ്പുമായി ബന്ധപ്പെട്ട് രണ്ട് ദിവസം കട അവധിയായിരുന്നു. ഇന്ന് രാവിലെ കട തുറന്ന് സൂര്യയും ദീനദയാലും കടയിലേക്ക് കയറി അല്‍പ്പ സമയത്തിനകം മുറിയില്‍ തീപടരുകയും വലിയ സ്‌ഫോടനമുണ്ടാവുകയുമായിരുന്നു. സൂര്യയും ദീനദയാലും സംഭവസ്ഥലത്ത് വച്ച് തന്നെ മരിച്ചു. 

കമ്പത്തെ അഗ്‌നിരക്ഷാസേനയെത്തി തീണയച്ചു. സംഭവത്തില്‍ തേനി പൊലിസ് കേസെടുത്ത് അന്വേഷണമാരംഭിച്ചു.

Two people were killed in a major fire that broke out at a firecracker manufacturing unit in Cumbum, Tamil Nadu. The explosion caused significant damage to the building, and fire and rescue teams rushed to the spot to extinguish the blaze.