മലപ്പുറം: പൊന്നാനി ഹാര്‍ബര്‍ പരിസരത്ത് യുവതിയുടെ മൃതദേഹം. പൊന്നാനി സ്വദേശി ഫാത്തിമ(22)യാണ് മരിച്ചതെന്ന് സ്ഥിരീകരിച്ചു. സംഭവത്തില്‍ യുവതിയുടെ ഭര്‍ത്താവ് മുഹമ്മദ്(24) പൊലിസ് കസ്റ്റഡിയിലെടുത്തു. ഫാത്തിമയെ കഴുത്തില്‍ ഷാള്‍ മുറുക്കി കൊലപ്പെടുത്തുകയായിരുന്നുവെന്ന് മുഹമ്മദ് മൊഴി നല്‍കി. 

മണലില്‍ കമിഴ്ന്നുകിടക്കുന്ന നിലയില്‍ സമീപവാസികളാണ് ഫാത്തിമയുടെ മൃതദേഹം ആദ്യം കണ്ടത്. തുടര്‍ന്ന് പൊലിസിനെ വിവരമറിയിക്കുകയായിരുന്നു. ഒന്നരവര്‍ഷം മുന്‍പ് വിവാഹം കഴിഞ്ഞ ഇവര്‍ക്ക് നാല് മാസം പ്രായമായ ഒരു മകളുണ്ട്. 

പ്രതിയെ വിശദമായി ചോദ്യം ചെയ്ത് വരികയാണെന്ന് പൊലിസ് അറിയിച്ചു. ഇതിന് ശേഷം മാത്രമേ കൊലപാതകത്തിലേക്ക് നയിച്ച കാരണം വ്യക്തമാകുകയുള്ളൂ.

In a chilling incident, the body of a young woman was found abandoned near the Ponnani harbor premises. Following a swift investigation, the police have taken her husband into custody.