ചെന്നൈ: തമിഴ്‌നാട് നിയമസഭ തെരഞ്ഞെടുപ്പില്‍ ഡി.എം.കെ സഖ്യം ഭൂരിപക്ഷം സീറ്റുകളും നേടി അധികാരത്തിലേറുമെന്ന് സൂചന തന്നെയാണ് കാണുന്നത്.  ആദ്യ ഫല സൂചനയില്‍ ബഹുദൂരം മുന്നിലാണ് ഡി.എം.കെ. എ.ഐ.ഡി.എം.കെയും വിജയിന്റെ ടിവി.കെയും രണ്ടക്കം കടക്കാത്ത കാഴ്ചയാണ് നിലവില്‍ കണ്ടുകൊണ്ടിരിക്കുന്നത്. 

സംസ്ഥാനത്തെ 62 കേന്ദ്രങ്ങളിലായാണ് വോട്ടെണ്ണല്‍ നടക്കുന്നത്. എല്ലായിടത്തും വിപുലമായ സുരക്ഷാക്രമീകരണങ്ങളാണ് ഏര്‍പ്പെടുത്തിയിട്ടുള്ളത്.

നടന്‍ വിജയ് നയിക്കുന്ന തമിഴക വെട്രി കഴകവും (ടി.വി.കെ) അണ്ണാ ഡി.എം.കെ-ബി.ജെ.പി സഖ്യവും ഉയര്‍ത്തിയ കടുത്ത വെല്ലുവിളികളെ മറികടന്നാണ് ഡി.എം.കെ സഖ്യത്തിന്റെ മുന്നേറ്റം. 234 അംഗ നിയമസഭയില്‍ കേവല ഭൂരിപക്ഷത്തിന് 118 സീറ്റാണ് വേണ്ടത്. 2021ലെ നിയമസഭ തെരഞ്ഞെടുപ്പില്‍ ഡി.എം.കെക്ക് തനിച്ച് 133 സീറ്റുകള്‍ ലഭിച്ചിരുന്നു. 164 ഇടങ്ങളില്‍ മത്സരിക്കുന്ന ഡി.എം.കെ ഇത്തവണ ഒറ്റക്ക് ഭൂരിപക്ഷം കടക്കുമോയെന്നാണ് രാഷ്ട്രീയ കേന്ദ്രങ്ങള്‍ ഉറ്റുനോക്കുന്നത്. സ്റ്റാലിന്‍ അധികാരത്തില്‍ വീണ്ടും തിരിച്ചെത്തിയാല്‍ അത് തമിഴക രാഷ്ട്രീയത്തില്‍ ചരിത്ര സംഭവമാവുമെന്ന് രാഷ്ട്രീ. നിരീക്ഷകര്‍ വിലയിരുത്തുന്നു. ഡി.എം.കെക്ക് ഒറ്റക്ക് കേവല ഭൂരിപക്ഷം ലഭ്യമായില്ലെങ്കില്‍ തമിഴകത്ത് ഇതാദ്യമായി കൂട്ടുകക്ഷി സര്‍ക്കാര്‍ അധികാരത്തിലെത്തും. 

early trends in tamil nadu assembly election show dmk alliance leading comfortably. counting underway at 62 centers with tight security as results for 234 seats unfold.