ദുബൈ: യുഎഇയിൽ കടുത്ത വേനൽച്ചൂട് തുടരുന്നു. വ്യാഴാഴ്ച രാജ്യത്തുടനീളം പൊതുവെ തെളിഞ്ഞ കാലാവസ്ഥയായിരിക്കുമെന്നും എന്നാൽ ഉൾനാടൻ പ്രദേശങ്ങളിൽ താപനില 49 ഡിഗ്രി സെൽഷ്യസ് വരെ ഉയർന്നേക്കുമെന്നും നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.

മഴയ്ക്കോ പൊടിക്കാറ്റിനോ സാധ്യതയില്ലെങ്കിലും കിഴക്കൻ മേഖലകളിൽ രാവിലെ സമയങ്ങളിൽ താഴ്ന്ന മേഘങ്ങൾ പ്രത്യക്ഷപ്പെട്ടേക്കാം.

തീരദേശ നഗരങ്ങളിൽ ചൂട് താരതമ്യേന കുറവായിരിക്കുമെങ്കിലും ഉൾനാടൻ മേഖലകളിൽ കടുത്ത ചൂട് അനുഭവപ്പെടും.

പ്രധാന ന​ഗരങ്ങളിലെ താപനില

• ദുബൈ: 40°C (കുറഞ്ഞ താപനില: 32°C)
• അബുദബി: 42°C (കുറഞ്ഞ താപനില: 31°C)
• ഷാർജ: 42°C (കുറഞ്ഞ താപനില: 32°C)
• അജ്മാൻ: 41°C (കുറഞ്ഞ താപനില: 32°C)
• ഉമ്മുൽ ഖുവൈൻ: 43°C (കുറഞ്ഞ താപനില: 32°C)
• റാസൽഖൈമ: 43°C (കുറഞ്ഞ താപനില: 32°C)
• അൽ ഐൻ: 45°C (കുറഞ്ഞ താപനില: 30°C)
• ലിവ: 46°C (കുറഞ്ഞ താപനില: 32°C)
• ഫുജൈറ: 36°C (കുറഞ്ഞ താപനില: 31°C - രാജ്യത്തെ ഏറ്റവും കുറഞ്ഞ താപനില ഇവിടെയാണ് പ്രവചിക്കുന്നത്)

മൂടൽമഞ്ഞും ഈർപ്പവും

തീരദേശ പ്രദേശങ്ങളിൽ ഈർപ്പത്തിന്റെ അളവ് 85 ശതമാനം വരെ ഉയർന്നേക്കാം. ഇതിന്റെ ഫലമായി വ്യാഴാഴ്ച രാത്രിയിലും വെള്ളിയാഴ്ച രാവിലെയോടെയും അന്തരീക്ഷത്തിൽ കനത്ത മൂടൽമഞ്ഞിന് സാധ്യതയുണ്ട്. മണിക്കൂറിൽ 30 കിലോമീറ്റർ വരെ വേഗതയിൽ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്. അറേബ്യൻ ഗൾഫിലും ഒമാൻ കടലിലും കടൽ ശാന്തമായിരിക്കും.

ALSO READ: നഴ്‌സറികളും കിന്റർഗാർട്ടനുകളും സംയോജിപ്പിച്ച് 'ഏർലി ചൈൽഡ്‌ഹുഡ് സെന്ററുകൾ' ആരംഭിക്കാൻ ഷാർജ; പ്രവേശനം 3,004 കുട്ടികൾക്ക്

The UAE will continue experiencing extreme summer conditions, with temperatures expected to reach 49°C in inland regions. Authorities urge residents to take precautions against heat-related health risks.