താമരശ്ശേരി: വയോജന ദിനത്തോടനുബന്ധിച്ച് കൈതപ്പൊയില്‍ എം.ഇ.എസ് ഫാത്തിമ റഹീം സെന്‍ട്രല്‍ സ്‌കൂള്‍ വിദ്യാര്‍ത്ഥികള്‍ നടത്തിയ 'വാര്‍ദ്ധക്യത്തിലേക്ക് ഒരു നടത്തം' ബോധവല്‍ക്കരണ റാലി വാര്‍ഡ് മെമ്പര്‍ ജമീല അസീസ് ഫ്‌ളാഗ്ഓഫ് ചെയ്തു. കണ്ണോത്ത് അഗതി മന്ദിരത്തിലേക്ക് വിദ്യാര്‍ഥികള്‍ സന്ദര്‍ശനം നടത്തി. അഗതികള്‍ക്ക് വസ്ത്രങ്ങളും ഭക്ഷണവും നല്‍കി. വിവിധ കലാപരിപാടികളും അവതരിപ്പിച്ചു.ഹെല്‍ത്ത് ഇന്‍സ്‌പെക്ടര്‍ ഹരീഷ് പരിപാടി ഉദ്ഘാടനം ചെയ്തു. സ്‌കൂള്‍ മാനേജര്‍ കെ.എം.ഡി. മുഹമ്മദ്  അദ്ധ്യക്ഷനായി. പ്രിന്‍സിപ്പല്‍ ജോസഫ് പുളിമൂട്ടില്‍ സ്വാഗതവും ലീഡര്‍ ഫൈറൂസ് നന്ദിയും പറഞ്ഞു.