പട്ടിക്കാട്: പെരിന്തല്‍മണ്ണ ബ്ലോക്ക് പഞ്ചായത്തിന്റെ യന്ത്രവല്‍കൃത ഞാറ് നടീലിന് കീഴാറ്റൂര്‍ ഒറവംപുറത്ത് തുടക്കമായി. വനിതാലേബര്‍ ബാങ്ക് പദ്ധതിയുടെ ഭാഗമായി നടത്തിയ പരിപാടി ബ്ലോക്ക് പഞ്ചായത്ത് പ്രസിഡന്റ് പെട്ടമണ്ണ റീന ഉദ്ഘാടനം ചെയ്തു. ഒറവംപുറത്തെ കോഴിശ്ശീരി മുഹമ്മദ് പാട്ടത്തിനെടുത്ത നാല് ഏക്കര്‍ പാടശേഖരത്തിലാണ് ഞാറ് നടീല്‍ നടന്നത്.
ജനപ്രതിനിധികളും നാട്ടുകാരും ഒറവംപുറം ജി.യു.പി സ്‌കൂളിലെ വിദ്യാര്‍ഥികളും പങ്കാളികളായി. കീഴാറ്റൂര്‍ പഞ്ചായത്ത് പ്രസിഡന്റ് പ്രസീത മണിയാണി അധ്യക്ഷയായി. ബി.ഡി.ഒ മൊയ്തുട്ടി പദ്ധതി വിശദീകരണം നടത്തി. ബ്ലോക്ക് പഞ്ചായത്ത് വൈസ് പ്രസിഡന്റ് ടി.കെ സദക്ക, എന്‍.മുഹമ്മദ്, അമീര്‍ പാതാരി, റാബിയ മുസമ്മില്‍, സമീറ ചക്കരത്തൊടി, കെ.ടി ഖദീജ, കെ.നിസാര്‍, എം.രജനി സംസാരിച്ചു.