മുളവുകാട്: കൃഷിഭവനില്‍ നിന്നും എസ്.എച്ച്.എം പദ്ധതി പ്രകാരം അത്യുല്‍പാദന ശേഷിയുള്ള ടിഷ്യു കള്‍ച്ചര്‍ നേന്ത്രവാഴ തൈകള്‍ 75 ശതമാനം സബ്‌സിഡിയോടെ അഞ്ച് രൂപ നിരക്കില്‍ മുളവുകാട് കൃഷിഭവനില്‍ നിന്നും ലഭിക്കും.
ആവശ്യമുള്ളവര്‍ വസ്തുവിന്റെ കരമടച്ച രസീതിന്റെ (2016-17) കോപ്പി സഹിതം കൃഷി ഭവനില്‍ അപേക്ഷ ഉടന്‍ സമര്‍പ്പിക്കുക. കൂടാതെ കൃഷി ഭവന്‍ പരിധിയില്‍ തെങ്ങുകൃഷി ചെയ്യുന്ന കര്‍ഷകരില്‍ നിന്നും പി.എം.കെ.എസ്.വൈ (പ്രധാനമന്ത്രി സീഞ്ചായ് യോജന) പദ്ധതി പ്രകാരം തെങ്ങിന് തടം തുറക്കുന്നതിനും തെങ്ങിന്‍ ചുവട്ടില്‍ നിന്നും രണ്ട് മീറ്റര്‍ മാറി 50 സെന്റീ മീറ്റര്‍ വീതിയിലും 50 സെന്റീ മീറ്റര്‍ ആഴത്തിലും ചാലുകീറി പൊതിമടല്‍ അടുക്കി ജലസംരക്ഷണം നടത്തുന്നതിനു താല്‍പര്യമുള്ള കര്‍ഷകരില്‍ നിന്നും തരിശുഭൂമിയില്‍ പച്ചക്കറി കൃഷി ചെയ്യുന്ന കര്‍ഷകരില്‍ നിന്നും ഗ്രൂപ്പുകളില്‍ നിന്നും വിവിധ ആനുകൂല്യങ്ങള്‍ക്കും അപേക്ഷ ക്ഷണിച്ചിട്ടുണ്ട്. വിശദവിവരങ്ങള്‍ക്ക് ബന്ധപ്പെടേണ്ട ഫോണ്‍: 2750079.